Bugun Humanitarian mapping bo’yicha ikkinchi loyihani boshladim. Al-Tal shahrining xaritasi biroz qiyinchilik tug’dirdi. Chunki kul rang binolarni yerdan ajratib olish qiyin bo’ldi. Hozir endi Maarba shahrining xaritasini ustida ish boshlandi. Maarba Al-Taldan kichikroq shahar, shuning uchun baland binolari ko’p emas. O’ylaymanki, bu loyiha tez bajariladi.

Bugun birinchi marotaba gumanitar xaritachilikni boshladim. Suriyadagi Al-Tal shaharchasining bir bo’lagi xaritaga tushirildi (loyiha raqami #hotosm-project-1640).

Chust xaritasi ko’plab ob’yektlar bilan to’ldirilib, yo’llar chizilib, ancha chiroyli ko’rinishga keldi :)

Bugun OSMda taxrirlashimning ilk kuni. O’zbekistonda faqat Toshkent shahri to’liq xaritaga tushirilgan. Shunda ham ba’zi yangi joylar xaritaga kiritilmagan, lekin Toshkent xaritasini qoniqarli darajada desa bo’ladi. Viloyat markazlaridan Samarqand shahrining xaritasi e’tiborga molik. Qolgan yirik shaharlar xaritalarida ko’p bo’sh joylar mavjud. Kichikroq shaharlar, tuman markazlarining xaritalari esa deyarli to’ldirilmagan.